Embedded Files
Las Veqas illər boyu dünyanın ən canlı, ən parıltılı məkanlarından biri olub. Amma son məlumatlar göstərir ki, şəhərin enerjisi tədricən sönür. MacroEdge-in paylaşdığı son qrafikə görə, Las Vegas Convention and Visitors Authority (LVCVA) tərəfindən ölçülən illik ziyarətçi axınının (3 aylıq hərəkətli orta göstərici ilə) artım tempi 2024-cü ilin sonuna doğru mənfi zonaya keçib. Yəni şəhərə gələn turistlərin sayı, ötən illə müqayisədə azalmaqdadır.
Zirayətçi sayı qrafiki
Rəqəmlər danışır: 2008 böhranının kölgəsi yenidən
Covid dövrü (2020–2021) analizdən çıxarıldıqda belə, bu eniş 2008-ci ildəki qlobal maliyyə böhranından etibarən ən aşağı səviyyə kimi qiymətləndirilir. Qrafikdə illik dəyişiklik tempi -8% civarına qədər geriləyib. Bu, 1990-cı illərin əvvəllərindən nadir hallarda müşahidə olunan səviyyədir. Ən son belə kəskin azalma 2008 böhranı zamanı qeydə alınmışdı — o dövrdə ziyarətçi sayı təxminən -10%-ə düşmüşdü.
Parıltının arxasında nə dayanırdı
Turizmdəki durğunluğun bir neçə mümkün səbəbi var. ABŞ iqtisadiyyatında artan faiz dərəcələri və yüksək inflyasiya, həm daxili, həm də xarici səyahət xərclərini artırır. Qumar sənayesinin rəqəmsallaşması da (onlayn kazinoların geniş yayılması) bir çox ziyarətçini fiziki səfərdən çəkindirir. Bundan əlavə, Las Veqasda keçirilən iri tədbirlərin sayında da son illərdə azalma müşahidə olunur.
Şəhər yeni reallığa hazırdır?
Las Veqas iqtisadiyyatının təxminən yarısı turizm və əyləncə sektoruna bağlıdır. Bu səbəbdən ziyarətçi axınındakı belə azalma təkcə hotellərə və kazinolara deyil, şəhərin ümumi iqtisadi rifahına da ciddi təsir göstərə bilər. Bəzi analitiklər bu vəziyyəti “turizm resessiyası” adlandırır və yaxın aylarda vəziyyətin düzəlməsi üçün böyük tədbirlərin görülməsinin vacibliyini vurğulayırlar.
ABŞ, Nevada şəhərinin Las Veqas qəsəbəsi
Səssizlik lüksdən daha təhlükəlidir
Las Veqasın gələcəyi bir daha iqtisadi dalğalanmaların və istehlakçı davranışlarının dəyişkənliyinə bağlı görünür. Şəhərin parıltısı hələ tam sönməyib, amma qrafikdəki eniş açıq mesaj verir: Las Veqas özünü yenidən kəşf etməsə, səssizlik lüksü əvəzləyə bilər.
Google Sites
Report abuse