Texnologiya nəhəngləri indeksi yüksəlişdə: gələcək isə ehtiyatlı görünür

ABŞ-ın əsas texnologiya şirkətlərini əhatə edən NASDAQ bu həftənin ikinci günü – 30 sentyabr çərşənbə axşamı 24 627 punktda ticarət olundu. Bu, əvvəlki sessiya ilə müqayisədə 108 punkt və ya 0,44% artım deməkdir. Son dörd həftəyə nəzər saldıqda indeks ümumilikdə 6.01% yüksəlib. Daha geniş zaman kəsiyində isə mənzərə daha da təsirli görünür – son 12 ayda indeks dəyəri 24.54% artaraq texnologiya sektoruna olan güclü inamı əks etdirib. 

Texniki görünüş və mümkün ssenarilər

Texniki baxımdan NASDAQ100 indeksi 24 600 – 24 800 punkt aralığında güclü müqavimətlə üzləşir. Bu səviyyənin yuxarı qırılması şəraitində indeks 25 000 punkt psixoloji həddinə doğru hərəkət edə bilər. Əksinə, əgər fundamental təzyiqlər güclənərsə və investorlar riskdən qaçışa yönələrsə, 24 400 – 24 300 punkt zonası əsas dəstək rolunu oynaya bilər. İlin sonuna doğru 24 477 punkt hədəfi, bir illik perspektivdə isə 24 396 punkt proqnozu texniki tərəfdən də orta müddətli stabilləşmə ssenarisini gücləndirir.

Nəticə: texnologiya sektorunun “isti” ili soyumağa gedirmi?

"US 100 Tech Index"-in son bir ildəki 24.54%-lik artımı texnologiya nəhənglərinin bazarlarda dominant rolunu bir daha təsdiqləyib. Lakin analitiklər hesab edirlər ki, bu sürətli yüksəlişdən sonra növbəti mərhələdə bazar daha çox konsolidasiya və kiçik geri çəkilmələr göstərə bilər. İnvestorların diqqəti indi həm makroiqtisadi xəbərlərə, həm də texnologiya sektorundakı gəlirlərin davamlılığına yönəlib.