Embedded Files
Dollar bu həftəyə zəif başlanğıc edib. Dollar indeksi çərşənbə axşamı təxminən 98.6 səviyyəsinə enərək, son bir həftənin ən aşağı göstəricisini qeydə aldı. Valyutanın ucuzlaşmasına əsas səbəb ABŞ və Çin arasında ticarət sazişi ilə bağlı artan nikbinlik oldu. İnvestorlar artıq bu həftə prezidentlər Donald Tramp və Si Tsinpin arasında imzalanması planlaşdırılan “çərçivə razılaşması”na ümid bəsləyirlər. Razılaşmanın nadir torpaq elementləri, soya məhsullarının idxalı və TikTokun fəaliyyəti kimi sahələri əhatə edəcəyi bildirilib.
Amerikan;n Federal Ehtiyat Sistmi (FED)
ABŞ-Yaponiya danışıqları və Fed qərarına gözlər dikilib
ABŞ prezidenti Tramp bu gün Yaponiyanın baş naziri Sanae Takaiçi ilə görüşəcək. Gündəliyə ticarət əlaqələri, müdafiə xərcləri və Yaponiyanın ABŞ iqtisadiyyatına yeni sərmayə planları daxildir. Bütün bunlar fonunda investorların diqqəti Federal Ehtiyat Sisteminin (Fed) çərşənbə günü keçiriləcək iclasına yönəlib. Gözləntilərə görə, Fed faiz dərəcəsini 0,25 faiz bəndi endirəcək. Bu addım ABŞ iqtisadiyyatını gücləndirmək və inflyasiyanı dəstəkləmək məqsədi daşıyır.
Qlobal mərkəzi banklar ehtiyatlı davranır
Həftə ərzində həm Yaponiya Bankı, həm də Avropa Mərkəzi Bankı faiz dərəcələrini sabit saxlamağa hazırlaşır. Bu isə qlobal miqyasda “pul siyasətində ehtiyatlılıq dövrü”nün davam etdiyini göstərir. İnvestorlar belə bir mühitdə daha çox riskli aktivlərə yönəlir, bu da dolların “təhlükəsiz liman” statusunu zəiflədir.
Texniki baxış: dollar üçün dəstək 98.3 səviyyəsində
Texniki tərəfdən, dollar indeksində 98.3 səviyyəsi əsas dəstək kimi görünür. Bu səviyyənin qırılması halında 97.8 bölgəsinə qədər geriləmə mümkündür. Əks halda, 99.2 müqavimət səviyyəsi yaxın günlərdə yenidən test oluna bilər. Fundamental planda isə Fed-in yumşaq ton saxlaması və ABŞ-Çin münasibətlərində müsbət siqnallar dollar üçün qısamüddətli zəifləməni davam etdirə bilər.
Dollar indeksi (Günlük qrafik)
Güclü iqtisadi göstəricilər dolları xilas edə bilər
Hazırkı mərhələdə dolların istiqaməti daha çox Fed-in mesajlarından və ticarət sazişinin detallardan asılı olacaq. Razılaşma real nəticələr doğurarsa, investorlar yenidən risk almağa meyilli olacaq, bu da dolların daha da zəifləməsinə səbəb ola bilər. Lakin ABŞ iqtisadiyyatı gözləniləndən güclü çıxarsa, valyuta bazarlarında “yaşıl not” yenidən öz mövqeyini bərpa edə bilər.
Google Sites
Report abuse