Qızıl dəyər itirir: İnvestorlar riskə yönəlir

Bazar ertəsi qızılın unsiyası 2%-dən çox ucuzlaşaraq təxminən 2 400 dollar səviyyəsinə düşüb. Bu, son iki həftənin ən aşağı göstəricisidir və ötən cümə günü başlayan enişin davamı kimi qiymətləndirilir. Qiymətin azalmasının əsas səbəbi ABŞ və Çin arasında baş verən diplomatik irəliləyişlərdir: iki ölkə arasında danışıqların nəticəsi olaraq investorların risk iştahı artıb və təhlükəsiz aktivlərə tələbat azalıb. 

Mərkəzi banklardan gələn növbəti addımlar

Eyni zamanda, bazarlar bu həftə böyük mərkəzi bankların qərarlarını gözləyir. ABŞ Federal Ehtiyat Sistemi (Fed) yumşaq inflyasiya göstəricilərindən sonra 0.25% endiriminə gedəcəyi gözlənilir. Avropa Mərkəzi Bankı və Yaponiya Bankı isə hazırkı siyasətini dəyişməz saxlama ehtimalı yüksəkdir. Aşağı faiz mühiti adətən qızıla dəstək olur, lakin bu dəfə investorların diqqəti riskli aktivlərə yönəldiyindən qiymətli metal müvəqqəti təzyiq altında qalıb.

Texniki və fundamental mənzərə

Hazırda qızıl 2 380–2 400 dollar aralığında ticarət olunur. Texniki analizə görə, 2 370 dollar səviyyəsi yaxınmüddətli dəstək, 2 430–2 450 dollar isə əsas müqavimət zonası kimi çıxış edir. Orta müddətli proqnozlarına əsasən, ilin sonuna qədər qızılın 2 420 dollar səviyyəsində sabitləşməsi, 2026-cı ilin eyni dövründə isə 2 550 dollara yüksəlməsi gözlənilir. Fundamental olaraq, mərkəzi bankların davamlı alışı, inflyasiya riskləri və geosiyasi qeyri-müəyyənliklər uzunmüddətli perspektivdə qiymətli metalı yenidən dəstəkləyə bilər.

Sakitlikdən əvvəlki fasilə?

Qızılın son enişi bəziləri üçün panika siqnalı kimi görünsə də, bazar hələ tam istiqamət seçməyib. ABŞ–Çin danışıqlarının real nəticəsi, eləcə də Fed-in qərarı yaxın günlərdə trendin taleyini müəyyən edəcək. Qısamüddətli təzyiqə baxmayaraq, analitiklər hesab edir ki, bu, sadəcə növbəti artım mərhələsindən əvvəlki “nəfəs fasiləsi” ola bilər.