Qızılın qiyməti cari ilin noyabr ayının 18-də yenidən yüksələrək bir unsiya üçün 2620 dolları aşmışdır. Bu, son bir həftədə qeydə alınan ən yüksək göstəricidir. Qiymətlərin artmasının əsas faktorlarından biri dolların dəyər itirməsi olub.
Eyni zamanda, bazarlar Federal Ehtiyat Sisteminin (FED) gözülən çıxışlarına fokuslanıb. Xüsusilə dekabr toplantısında faiz dərəcələrinin azaldılması ehtimalının aşağı düşməsi, bazarlarda qeyri-mùəyyənlik yaratsa da qızıla tələbin artmasını təmin edib.
FED-in faiz dərəcələrinin azaldılmasına dair ehtimalları əvvəlki günlərdə 62%-dən 59%-ə düşüb. Bundan bir həftə öncə bu ehtimal 65% olaraq qeydə alınmışdı. Bu azalma investorlar arasında mùxtəlif reaksiya doğursa da qızılın bir daha etibarlı sərmayə vasitəsi kimi qabardırılmasına təkan verib.
Bir çox maliyyə analitikləri FED-in gözülən toplantısından çıxacaq siqnalları diqqətlə izləyir. Bu siqnallar ölkə iqtisadiyyatının istiqamətini formalaşdırmaqla yanaşı, qızıl bazarına birbaşa təsir göstərir.
Dünya boyu artan geosiyasi risklər qızıla olan marağı daha da artırır. Xüsusilə Orta Şərqdəki hərbi vəziyyət və Rusiya-Ukrayna arasındakı gərginlik investorları təhlükəsiz liman axtarmağa vadar edib. Tarix boyu göstərilmişdir ki, qeyri-mùəyyənlik dövrlərində qızılın qiyməti daim yüksəlir.
Bu geosiyasi problemlərə, həmçinin, ABŞ-da Donald Trampın prezidentlik kabinetinin formalaşması ilə bağlı gözləntilər də əlavə olunur. Hər iki aspekt bazarın qeyri-müəyyənliyə sürüklənməsinə təkan verir.
2024-cü ilin noyabr ayının 18-nə olan məlumatlara əsasən, qızılın qiyməti bir unsiya üçün 2625 dollar civarındadır. Bu, son dövrlərin ən sabit artışlarından biridir və analitiklər qiymətlərin daha da yüksəlməsini proqnozlaşdırırlar.
Hazırda maliyyə bazarları FED-in faiz dərəcəsinin növbəti addımına və beynəlxalq geosiyasi gəlişmələrə fokuslanıb. Nəticədən asılı olmayaraq, qızılın “etibarlı liman” olaraq qalacağı görünür.