Fed qərarı öncəsi qızıl bazarında gözləmə mövqeyi

ABŞ Federal Ehtiyat Sisteminin (Fed) faiz endirimi qərarı öncəsi əlvan metallar bazarında, xüsusilə də qızıl qiymətlərində üfüqi (yan) korreksiya müşahidə olunur. 

Hazırda bazarlar 0,25%-lik faiz azaldılmasını artıq qiymətlənmiş kimi qəbul edir. Bu gözlənti qızılın qiymətini 3 640 ABŞ dolları ilə yeni tarixi maksimumlara çatdırıb. Eyni zamanda, investorlar 0,50%-ə qədər faiz endirimi ehtimalını da tamamilə istisna etmirlər.

Bu baxımdan, çərşənbə axşamı açıqlanacaq ABŞ-ın pərakəndə satış dövriyyəsi və sənaye istehsalı göstəriciləri bazarlar üçün əsas istiqamətverici siqnal olacaq. Bu göstəricilər Fed-in qərarına dair bazar gözləntilərinin tonunu dəyişdirə bilər. 

Texniki baxımdan isə 3 632 ABŞ dolları bu həftə üçün qızılın əsas dəstək səviyyəsi kimi diqqətdə saxlanılır. Bu həddin qorunması qızılın korreksiyanı tamamladığını göstərə bilər, əks halda isə qiymətlərdə daha dərin eniş riski artır. 

Beləliklə, Fed-in qərarı öncəsi qızıl bazarında investorlar diqqətlə gözləmə mövqeyindədir və iqtisadi göstəricilər qiymətlərin növbəti hərəkət istiqamətini müəyyən edəcək.