Bu həftənin ən önəmli hadisələri FED-in faiz endirimi qərarı və Fransada siyasət-iqtisadiyyat böhranına dair narahatlıqlardır. Qarşıdaki günlər önəmli statistik rəqəmlərin açıqlanması ilə zəngin olsa da ABŞ-da əmək bazarında risklərin artması fonunda iqtisadiyyata maliyyə dəstəyinin verilməsi önə çıxıb. Bu səbəbdən amerikalıların çərşənbə günü fond faizlərini 0.25% azaltmağa məcbur qala bilərlər. Lakin bu artıq birjalarda öz əksini tapdığına görə, Jerom Povelin gələcəyə dair açıqlamaları önəmli olacaqdır. Bundan əlavə, treyderlərin əsas diqqət mərkəzində olan digər məqam da Avrozonada növbəti borc böhranı riskidir.
ABŞ: FED faiz endirimi ön planda
Amerika Mərkəzi Bankı (FED) sentyabrın 16–17-də iclas keçirərək faiz qərarını açıqlayacaq. İyul-avqust aylarında işsizlik 4.3 %-ə yüksələrək son illərin ən yüksək səviyyəsinə çatıb, nonfarm iş yerlərinin artımı isə yalnız 22 min olub. Bu göstəricilər bazar gözləntilərindən aşağıdır.
Bu fonla bazar analitikləri 0.25% endirimin əsas ssenari olduğunu bildirir. Lakin işsizlik və zəif iş yeri artımı səbəbindən 0.5% endirim ehtimalı da gündəmdədir. FED sədri Jerom Povelin iclas sonrası açıqlamaları, gələcək faiz siyasətinin istiqamətini göstərməsi baxımından bazarlar üçün önəmli olacaq.
Əsas risklər arasında iş bazarının zəifləməsi, inflyasiyanın illik 2.9 %-də qalması və stagflasiya qorxuları var.
Fransa: Siyasi-iqtisadi böhran
Fransada hökumət parlamentdə büdcə islahatlarını dəstəkləyə bilməyib, Baş nazir François Bayrou istefa verib. Yeni Baş nazir Sébastien Lecornu hökuməti xərcləri azaltmaq və vergiləri artırmaq planındadır, lakin siyasi müqavimət böyükdür.
Fransa dövlət borcu ÜDM-in 113–114 %-i civarındadır və proqnozlara görə 2026-cı ildə 118 %-ə yüksələ bilər. 10 illik dövlət istiqrazlarının gəliri 3.47 %-ə çataraq Avrozonadakı digər yüksək riskli ölkələrə yaxınlaşıb. Fitch agentliyi Fransa üçün mənfi proqnoz (negative outlook) açıqlayıb.
Böhran riskinin artması Avrozonanın maliyyə sabitliyi üçün də siqnal sayılır. Fransanın kredit reytinqinin pisləşməsi və borc xərclərinin artması digər üzv ölkələrə də təsir edə bilər, ECB-in müdaxiləsi ehtimal olunur.
Bazarların gözü Vaşinqton və Parisdə
FED ehtimal ki, bu həftə 0.25 faiz endirim edəcək, əmək bazarındakı zəif göstəricilər səbəbindən gələcəkdə daha yumşaq siyasət mümkün ola bilər. Fransada isə siyasi və büdcə böhranı böyüyür; hökumətin islahatları həyata keçirməsi çətin görünür, borc xərcləri artır, Avrozona riskləri yüksəlir.
Həftənin maliyyə gündəmi həm ABŞ-da, həm Avrozonada investorlar üçün həssasdır. FED-in açıqlamaları, iş bazarı rəqəmləri və Fransadakı siyasi qərarlar bazarların istiqamətini müəyyən edəcək.